सह्याद्री बहुजन विद्या प्रसारक समाज

संस्थेची थोडक्यात माहिती

थोर स्वातंत्र्य सेनानी सहकारमहर्षी स्व. भाऊसाहेब थोरात व त्यांच्या सहकाऱ्यांनी बहुजन समाज हा शिक्षणाच्या मुख्य प्रवाहात आणला पाहिजे या उदात्त हेतूने सन १९६५ मध्ये सह्याद्री बहुजन विद्या प्रसारक समाज, संगमनेर या संस्थेची स्थापना केली. त्यांच्या समवेत स्व. दत्ताजीराव काशिनाथराव मोरे, स्व. नानासाहेब गाडे, स्व. ॲड. भाऊसाहेब धुमाळ, स्व. ॲड. सुगंधराव देशमुख, स्व.बी.एस. काळे, स्व.एम.वाय. पानसरे गुरुजी, स्व. ॲड. भास्करराव डुबे व डॉ.सी. के. मोरे आदी शिक्षणप्रेमी व्यवतींचा त्यामध्ये समावेश होता. शिक्षणावर श्रध्दा असलेल्या सहकाऱ्यांनी बिडी कामगारांच्या व सातत्याने अवर्षण ग्रस्त असलेल्या तालुक्याचे भविष्य बदलण्याचा निश्चय केला. संस्थेचे ब्रीद वाक्य "बहुजन हिताय बहुजन सुखाय" हे निश्चित करण्यात आले. या ब्रीद वाक्यानुसार समाजातील सर्व थरातील व ग्रामीण भागातील विद्यार्थ्यांचा सांस्कृतिक, समाजिक व सर्वांगिण शैक्षणिक प्रगती करण्याचा प्रयत्न संस्थेच्या माध्यमातून केलेला आहे.....